Шрила Прабһупада Шотландия шіркеулерінің беделді христиан колледжіне оқуға түседі. Колледжде ол ағылшын, санскрит, философия, экономика, батыс мәдениеті мен әдебиеті, Библия және христиан теологиясын оқыды.

Абһай колледжді бітіреді. Барлық емтихандарды сәтті тапсырып шығады, бірақ Махатма Ганди негізін қалаған Үндістанның ұлт-азаттық қозғалысына қосылып, дипломынан бас тартуға шешім қабылдайды. Гандидің саясаты британшылдықтың барлығынан бас тарту болатын.

Шрила Прабһупада өзінің еңбек жолын фармацевтикалық бизнестен бастады. Алдымен ол әкесінің досының химиялық зертханасына меңгеруші болып жұмысқа орналасады. Екі жылдан кейін Абһай және оның отбасы Аллахабадқа көшіп келіп, ол жерде жеке дәріханасын ашады.

Абһайдың дәріханасына Шрила Бһактисиддһанта Сарасватидің шәкірттері келеді. Ол өз қаласында бөлімше ашуға көмектесуге келіседі және осы кезден бастап ол рухани бауырларымен араласа бастайды.

Абһай Чаранаравинда ванапрастһа лық өмір сүру тәртібін қабылдайды. Бұл отбасылық өмір мен дүние қызығынан бас тартудағы сопылық өмірдің аралық кезеңі болып табылады. Сөйтіп ол отбасынан бөлек өмір сүре бастайды. Келесі 10 жыл бойы ол әртүрлі ғибадатханалар да тұрып келді. Осылайша ол Вайшнавалық әдебиеттерді жариялап, уағыздаушылық қызметпен айналысуын жалғастыра береді.

17 қыркүйекте Абһай өзінің рухани ағасы Бһакти Прагьяна Кешава Госвамиден санньясаға (дүниеден бас тартушылық кезеңіне) арнау алады. Абһайға «Бһактиведанта Свами» деген сопылық есім беріледі.

Көктемде Шрила Прабһупада Нью-Йорк қаласының Бауэри ауданында орналасқан шатырдағы шағын бөлмеге көшіп келеді және осы жерде ол жастарға кешкі дәріс берумен уағызын бастайды. Онда оның алғашқы ізбасарлары пайда болады.
Маусым айында Шрила Прабһупада Нью-Йорктің неғұрлым қымбатырақ бөлігіне, Төменгі Шығыс жағына көшіп барады, онда ол Екінші авеню 26 мекенжайында орналасқан алғашқы ғибадатханасын ашады. Ол алғашқыда антиквариат дүкені болған бөлме еді. Маңдайына "Теңдесіз сый"атты тақта қыстырылып, ол осы күнге дейін өзгертілмей келуде.

Оның ізбасарлары хиппилер, жоғарғы шығармашылықтоптар, LSD топтарының жетекшілері және жыныстық революцияның белсенді мүшелері болды.

13 шілдеде Шрила Прабһупада өзінің ISKCON (Кришна санасы халықаралық қоғамы) коммерциялық емес діни ұйымын тіркеді.

9 қыркүйекте Шрила Прабһупада 11 ізбасарын қабылдап, өзінің Батыс шәкірттері үшін алғаш рет рухани өмірге арнау рәсімін өткізеді. Арнау алғандар Харе Кришна мантрасының 16 айналымын қайталауға, мынадай төрт реттеуші қағиданы ұстануға ант береді:

– Ет, балық, жұмыртқа жеуден бас тарту;

– уландырғыш заттарды (алкоголь, темекі, есірткі) қабылдамау;

– құмар ойындарын ойнамау;

– Некесіз жыныстық қатынасқа түспеу.

Сондай-ақ сол жылдың қыркүйек айынан бастап Шрила Прабһупада өзінің ізбасарларымен бірге Нью-Йорк саябақтарында киртаналарды (Харе Кришна мантрасын әндетуді) жүргізе бастайды.

Күзде Шрила Прабһупада Үндістанға барып, онда Бомбей, Вриндаван және Маяпур қалаларында монументалды ғибадатханалар кешендерін салуды жоспарлады. Ол американдық шәкірттерімен бірге келген еді. Батыстық ерлер мен әйелдердің керісінше үнді мәдениетін қабылдағаны таңғаларлық жағдай болды. Шрила Прабһупаданың жетістігін бүкіл Үндістан мойындады.

Осыдан соң Шрила Прабһупада ғибадатханалар ашуды жалғастырады. Олардың саны көбейген үстіне көбейе береді.
Прабһупада басқарушылық қызметтен аздап алшақтау керектігін түсінеді, сол себептен 28 шілдеде ISKCON алқалық басқару органын, Басқарушы кеңес комиссиясын (GBC) құрады.

Макмиллан баспасы басып шығарған Бһагавад-гитаның толық басылымы жарық көреді және 29 мамырда Бһактиведанта (Bhaktivedanta Book Trust) кітап баспасы құрылады, онда Шрила Прабһупада өз кітаптарын басып шығарып отырды және осы күнге дейін кітаптар басып шығарылуда.